WAAR HET ONS BEGIN?

Op aanbeveling van Professor Johan Grosskopf is Ehlerskroon Bonsmaras in 1974 amptelik gestig. Aanvanklike teelmateriaal is verkry vanaf die voorste pro - dusente onder andere, Bristow, Robert Taute, Koos van Amstel, Amfarms, Dr Badenhorst sowel as diere uit die voormalige staatskudde. Genitika is alles vir ons. Kuddevaars afkomstig van Up George, Benchmark, Dr D Nolte, Dr Hartsenburg, Marloo Bonsmaras is bekom om ons soliede genetiese basis uit te brei. Kuddevaars is ook bekom vanaf Hennie Naude, Sernick, Kalkveld Bonsmaras, Le Fre Bonsmaras, Leehan Bonsmaras en Beneke Bonsmaras. Siende dat die sukses van ‘n Bonsmara kudde onderworpe is aan die speengewig en die hoeveelheid speenkalwers hou ons sedert 1974 gedetaileerde rekords van ons kalwers se melk, vrugbaarheid en groei. Die BLUP teelwaardes is vanselfsprekend en die Ehlerskroon kudde syfers styg jaarliks uit bo die rasgemiddeld. In die groot kategorieë was, is en bly Ehlerskroon beslis ‘n dryfkrag om mee rekening te hou.